أخويا في البيت دلوقتي.. وهيعوض أسرة ضحية الحادثة بمبلغ محترم| فيديو

قال شقيق مطرب المهرجانات عصام صاصا، إن شقيقه وصل إلى المنزل بعد أخذ عينة لإجراء تحليل المخدرات بمصلحة الطب الشرعي، في واقعة حادث دائري المنيب ودهس شخص ووفاته أثناء عبوره على الطريق.

وقال شقيق عصام صاصا، لـ القاهرة 24: الراجل كان ماشي على الطريق بالليل ودا اللي حصل، واتهموا أخويا إنه كان شارب والحمد لله التحليل أثبت إنه مكانش شارب.. وهو مش متعاطي أي مخدرات.. وأخويا مش بيشرب أي حاجة، وهو موجود دلوقتي في البيت.

كما وجه شقيق عصام صاصا رسالة لأسرة المتوفي، ضحية الدهس على الطريق الدائري، قائلا: ربنا يصبرهم، وعصام مش هيسيبهم، وهيعملهم شهرية وهيعوضهم بمبلغ محترم.. وعصام هيعمل كدا فعلا لإنه ابن بلد ومش هيسيب الأطفال ولاد الضحية.

وكشفت التحريات الأولية للأجهزة الأمنية في واقعة مطرب المهرجانات الشعبي عصام صاصا، بعد دهسه شخصا يدعى أحمد مفتاح، ويبلغ من العمر 40 عاما، أعلى دائري المنيب، أن الحادث وقع أثناء عودة المطرب من حفل على طريق الدائري قبل نزلة المريوطية على طريق المنيب.