مسلم:” عمرو دياب صوته عادي وحسين الجسمي أقوى”

قال مطرب المهرجانات مسلم، إن حسين الجسمي أهم من عمرو دياب، مضيفا:” في أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايمًا، نفسي اتميز زي سعد لمجرد، لأنه سكتي، وعمرو دياب مش محتاج حد يقلده لان صوته عادي، ومش قوي صوتيًا، لكن تسمعه تحبه، اما أنا الاتنين، لو ربنا كرمني ووقفت قدامه هنشوف الحتة دي، لأن هيبقى رأي الناس، وأنا 23 سنة وعامل كده ما بالك لو 30 سنة هوصل لفين”.

وأضاف خلال استضافته ببرنامج «أسرار» مع الإعلامية أميرة بدر المذاع على قناة النهار:

، «المقارنة بيني وبين عصام صاصا وحودة بندق، كل واحد ناجح في حتته، وانا مش شايف نفسي مع دول، مش معنى كده انهم وحشين، انا صنعت حتة ليا، انا مش شايف منافس ليا، ولما بغني مع أي حد، بحط حتتي، ودي أجمل حاجة بعملها، مش عايز أنافس غير نفسي، والطمع في البني آدم«.