بعد إحالة قاتله للمفتي.. انهيار والدة طالب أمام قبره بكفر الشيخ: سبتني بدري يا حبيبي

حرصت والدة الطالب عبد الله عزت، الذي لقي مصرعه على يد عاطل في محافظة كفر الشيخ، بعدما استدرجه لسرقة التوك توك الخاص به، على زيارة قبر نجلها بعد قرار محكمة جنايات كفر الشيخ بإحالة أوراق المتهم إلى فضيلة مفتي الجمهورية.

إحالة أوراق عاطل أنهى حياة طالب بكفر الشيخ للمفتي

ووقفت والدة المجني عليه أمام قبر نجلها وظلت تبكي قائلة: الحمد لله حقك رجع يا ابني وربنا يعوضك خير في شبابك.. هيصبرني شوية على فراقك إن حقك رجع.. انت بعيد عني بس في قلبي يا عبد الله ومش هنساك عشان أنت حتة مني.

وتابعت: اسمك هيفضل ملازمني طول العمر يا عبد الله.. سبتني بدري أوي يا ابني.. الله يرحمك يا حبيب أمك ويوسع عليك قبرك في الجنة ونعيمها.. أنا جيت عشان أقولك حقك مراحش.

وظلت والدة الطالب عبد الله عزت تبكي بشدة أمام قبر نجلها بسبب شدة حزنها على رحيله إثر هذا الحادث المؤسف، حيث كان يعمل على توك توك واستدرجه المتهم لتوصيله إلى منطقة نائية، ثم تعدى عليه وأنهى حياته من أجل سرقته.

واختتمت والدة المجني عليه: أنا جيت عشان أقولك إن حقك رجع واللي بهدلك مستنيه عدل ربنا.. وصية من أمك اللي قلبها اتحرق عليك أوعى تسامح اللي موتك يا ابني.. كان نفسي أفرح بيك بس جه اللي حرمني منك.