خايف أرجع البيت عشان مش هلاقيها| بث مباشر

أعرب شقيق نورهان ناصر مشجعة النادي الأهلي ضحية حادث ستاد برج العرب المتوفاة عقب مباراة الأهلي والاتحاد السكندري، عن حزنه على وفاة شقيقته التي رحلت وتركت له ذكريات عديدة تلازمه في كل مكان يذهب إليه.

انهيار شقيق نورهان مشجعة الأهلي المتوفاة في حادث برج العرب

وقال شقيق نورهان مشجعة الأهلي: مش مستوعب لحد دلوقتي إن نور راحت.. يعني إيه تكون معايا قبلها وتاني يوم تروح كدة مش هلاقيها تاني.

وأضاف شقيق نورهان وأعينه تفيض منها الدموع: خايف أروح البيت أنا وماما عشان مش هنلاقيها.. هدخل البيت إزاي ومش هلاقيها في أوضتها.. كانت كل حاجة في حياتي وكنت أول ما أدخل البيت بتاخدني في حضنها وتقولي وحشتني وتطمن عليا.

وأكد شقيق المشجعة نورهان، أنه كانت تجمعه علاقة ترابط ومحبة قوية بشقيقته الراحلة، حيث قال: كانت أقرب حد ليا وكانت دايما تفضل جنبي لو زعلان وتحاول تشيل عني.

وتوجه شقيق نورهان بالشكر، لمجلس إدارة النادي الأهلي على اهتمامهم بالحضور وتقديم واجب العزاء وحضور تشييع الجنازة، قائلًا: عاشت طول حياتها بتشجع الأهلي وماتت وهي خارجة من الاستاد.