ظهور دولفين على شاطئ بالساحل الشمالي.. وشاهد عيان: الناس كانوا مبسوطين وحاولوا يتصوروا معاه

انتشر مقطع فيديو عبر صفحات التواصل الاجتماعي في الآونة الأخيرة، والذي رصد لحظة ظهور دولفين داخل مياه البحر أمام أحد شواطئ الساحل الشمالي، على طريق الإسكندرية مطروح الساحلي.

ظهور دولفين في أحد شواطئ الساحل الشمالي

وقال هيثم محمد، شاهد عيان على الواقعة، إنهم لاحظوا ظهور 4 دلافين داخل مياه البحر في شاطئ إحدى القرى السياحية، في الساحل الشمالي.

وتابع: كانوا 4 دلافين ماشيين مع بعض في المياه بس واحد منهم سابهم واتجه ناحية الشط.. ولما شوفناه ناس كتير قربت منه عشان تشوفه وافتكروا إنه ممكن يكون تعبان أو محتاج للعلاج.

وأضاف شاهد العيان أن أحد منقذي الشاطئ نزل إلى مياه البحر رفقة عدد من المصطافين، وعندما تأكدوا من أن هذا الكائن هو دولفين اصطحبوه أمام الشاطئ، وعلى الفور تجمع عدد كبير من الشباب والأطفال من أجل مشاهدته.

واستكمل: اتأكدنا إن الدولفين سليم ومكنش فيه أي حاجة.. وعلى طول رجعناه تاني المياه لأن أكيد مش هينفع نطلعه.. بس مفيش أي حد أذاه بالعكس الناس كانوا مبسوطين وحاولوا يتصوروا معاه بس رجعناه المياه تاني بسرعة.