عايزاه مصري شرقي.. صافينار تكشف مواصفات فتى أحلامها

الجمعة 21/يونيو/2024 – 03:40 م

كشفت الراقصة صافينار، مواصفات فتى أحلامها، مؤكدة أنها تفضل أن يكون مصريا من خارج الوسط الفني، يوافق على عملها في مجال الفن والرقص.

صافينار تكشف مواصفات فتى أحلامها

وقالت صافينار في تصريحات لـ القاهرة 24: مش مستعدة لخطوة الجواز دلوقتي، ولكن أتمنى يكون مصري شرقي لأني مش بحب الأجانب، ويكون خارج الوسط الفني، لأن الفنانين بيطلقوا بعد الزواج بـ سنة وأنا مش بحب كده.

تابعت صافينار: والمفروض يوافق على شغلي في الفن والرقص ومعنديش مشكلة إنه ينزل معايا الشغل، لأن لو بيحبني هيسبني أشتغل اللي بحبه وهيقولي اللي إنتِ عايزاه.

صافينار: الراقصة لازم تاخد بالها من لبسها

وعلى جانب آخر، أعربت صافيناز مؤخرًا عن استيائها من تشبيهها بالراقصات اللائي يثيرن جدل في حفلاتهم بالساحل الشمالي، إذ أكدت أنهن لسن راقصات محترفات، واصفةً هذه الراقصات بـ الريكلام، مشيرة إلى أن تشبيهها بهن إساءة كبيرة.

وقال صافينار: الراقصة لازم تاخد بالها من لبسها، واللبس يكون مريح ومحتشم، بيجيبوا ناس مبيعرفوش يقفوا على المسرح، أي واحدة معاها 500 جنيه، بتجيب بدلة رقص وتروح الساحل، وتبقى راقصة، وبعد كدة بيقولوا الراقصات غالية!، لأ معلش متقارنوش الناس المحترمة بالـ أي كلام اللي طالعة من كباريه، الراقصة اللي بجد تحت.

أعمال صافينار

يشار إلى أن صافينار شاركت في بطولة فيلم إنت حبيبي وبس، الذي عُرض عام 2019، وتناول العمل في إطار كوميدي، حول الفنان المشهور زيكو، الذي يضطر للزواج من بوسي، بعد أن اشترط جدهما في وصيته زواجهما للحصول على الميراث والذي يبلغ خمسة مليون جنيه، ومع تطور الأحداث يتحول ارتباطهما إلى حب حقيقي.

أبطال فيلم أنت حبيبي وبس

وضم فيلم إنت حبيبي وبس، في بطولته مجموعة من الفنانين منهم: محمود الليثي، بوسي، محمد ثروت، صافيناز، أحمد حلاوة، والعمل من تأليف سيد السبكي، وإخراج أحمد البدري.