عايشة معاه بقالي سنين.. بيجي للستات أكتر وهذا علاجه

الأربعاء 08/مايو/2024 – 03:03 م

أعلنت الإعلامية دنيا صلاح، ابنة الفنان صلاح عبدالله، تفاصيل تعرضها لمرض نادر وهو الفيبروميالجيا “الألم العضلي الليفي”، خلال الأيام الماضية، ونقلت على إثر ذلك إلى المستشفى.

متعايشة مع المرض بقالي سنين

وقالت دنيا صلاح في تصريح لـ القاهرة 24، إنها تتمتع حاليًا بحالة صحية جيدة وخرجت من المستشفى وعادت إلى حياتها الطبيعية، مشيرة إلى أنها اكتشفت مرضها منذ عامين وهو مرض نادر يسمي الفيبروميالجيا، يأتي مع تغير الفصول والإرهاق الشديد والضغط النفسي، معلقة: أنا شخصية راضية جدًا ألف حمد وشكر على كل شيء ومتعايشة معاه وكله بيعدي بفضل ربنا ورحمته الحمد لله.

وتابعت دنيا صلاح: حصلتلى نوبة جامدة شوية من فترة فاضطريت أروح المستشفى أخذ مسكنات وأدوية للمعدة في الوريد ويومين وبقيت كويسة الحمد لله، ونزلت شغلي ورشة التمثيل وكنت بصور فيلم قصير.

وأضافت: السيدات هم الفئة الأكثر عرضة للإصابة بالألم الليفي العضلي من الرجال، ويعاني العديد من الأشخاص المصابين بالألم الليفي العضلي من الصُّداع التوتُّري، واضطرابات المفصل الصدغي الفكّي، ومتلازمة القولون المتهيج، وآلام عامة في الجسم.

وحول رسالتها للسيدات، أوضحت: رسالتي لكل الستات والبنات اللي بعتولي بيشتكوا من نفس الحالة وعدم تقدير اللي حواليهم ليهم، متزعليش لو اللي حواليكي مش حاسين بوجعك حبي إنتي نفسك وقدري نفسك واعملي اللي ريحيك، لأن المرض ده علاجه راحة نفسية ورياضة ونظام أكل معين.

أعمال صلاح عبد الله

وعلى جانب آخر، شارك صلاح عبد الله، ضمن السباق الرمضاني لعام 2024، في 8 أعمال من أبرزها، العتاولة، حرب الجبالي، جري الوحوش، سر إلهي، خالد نور وولده نور خالد، عتبات البهجة.