ملحقتش أعمل حاجة وعرفت إنه مات في ساعتها| انفراد 

الثلاثاء 07/مايو/2024 – 04:43 م

خرج مطرب المهرجانات الشعبي، عصام صاصا من مصلحة الطب الشرعي بعد أخذ عينة منه وإجراء تحليل مخدرات، لكشف مدى تعاطيه المواد المخدرة، وذلك على خلفية دهسه شخصًا يدعى أحمد مفتاح يبلغ من العمر 40 عاما، أعلى دائري المنيب وتسببه في وفاته.

تحقيقات عصام صاصا أمام جهات التحقيق 

وينفرد القاهرة 24 بنشر التحقيقات في واقعة عصام صاصا المتسبب في وفاة مواطن أعلى الدائري، حيث كان كان عائدا من المعادي متجها إلى منزله الكائن بحدائق الأهرام، موضحا: كنت جاي من المعادي متجها إلى بيتي في حدائق الأهرام، وكنت سايق على سرعة أقل من 70 وميكروباص أبيض بسقف عالي ماشي أمامي والمجني عليه ظهر فجأة أمامي.

ووجهت جهات التحقيق لمطرب المهرجانات عصام صاصا تهمة قتل أحمد مفتاح أحمد وكان ذلك ناشئا عن إهمالك ورعونتك وعدم احترازك وعدم اتباعك للقواعد والقوانيين بأن قمت بقيادة السيارة رقم (س) ى ر (١٤٣٨) بحالة ينجم عنها الخطر وبالسرعة أعلى من السرعة المقررة قانونًا على النحو مبين بالأوراق؟
ج:  الكلام ده محصلش.
س: ما الذي حدث إذا وما هي ظروف ضبطك وعرضك علينا؟
ج: اللي حصل إنا كنت شغال في المعادى في مكان اسمه روفي وخلصت الشغل واتحركت على الساعة ٤:٣٠ صباحًا، وأنا  ماشي على الدائرى مروح البيت وعند بنزينة موبيل اللى قبل طلعة الوصلة كان في عربيتين على شمالي مش شايف منهم ولقيت مرة واحد قدامى ومعرفتش أروح فى اى حتة فخبطته ولقيت الإزاز والكبوت في وشي ووقفت والناس اتلمت وعرفت إنه مات وهو دا كل اللى حصل.

س: متى وأين حدث ذلك تحديدا؟
ج:  الكلام دا حصل انهاردا بتاريخ ٢٠٢٤/٥/٦ الساعة ٥:١٥ صباحًا تقريبًا.
س:  من كان برفقتك إنذاك؟
ج: كنت لوحدي.
س: ملك من السيارة رقم (س ي ر – ١٤٣٨)؟
ج: العربية ملكي وباسمي.
س:  منذ متى وأنت تمتلك تلك السيارة؟
ج: من حوالي 5 شهور بس.
س: ما هي ظروف تقابلك مع المجنى عليه أحمد مفتاح أحمد تحديدا؟
ج:  أنا مرة واحدة لقيته بيعدي الطريق ومعرفتش أعمل أي حاجة عشان مكنتش شايفة بسبب العربيات اللي جمبي.
س: ما هي السرعة التي كنت تقود سيارتك عليها حال اصطدامك بسالف الذكر؟
ج:  كنت ماشي ۷۰.
س: هل استخدمت آلة التنبيه حال مشاهدتك للمجني عليه آنذاك؟
ج: أنا ملحقتش أعمل أي حاجة خالص.
م: هل استخدمت مكابح السيارة آنذاك؟
ج: أنا ملحقتش أعمل أي حاجة.
س: ما هي حالة الطريق إنذاك من حيث المارة؟
ج لا مكنش فيه عربيات كتير بس كان فيه عربيتين جمبي واحدة منهم نقل عالية وعربية ملاكي جيلي، حتى العربية الملاكي كانت متخبطة قبلي بس عرف يتفاداه وأنا معرفتش.
س ما هي حالة الطريق من حيث الضوء والروية آنذاك؟
ج: لا الحتة دي ضلمة خالص.
م: ما تعليقك إذا لحدوث وفاة المجني عليه في تلك الواقعة؟
ج: هو ظهر قدامي فجأة وأنا ملحقتش أعمل حاجة ولو كنت أقدر أقف كنت وقفت بس وأنا مكنش قصدي الحيطة.