صاحبة فيديو رقص حفل التخرج: أنا معملتش حاجة غلط

كشفت سمر عنتر طالبة خريجة كلية التربية الرياضية بجامعة الرياضية، والتي تصدرت التريند على مواقع التواصل الاجتماعي خلال الساعات الأخيرة، بسبب فيديو لها أثناء رقصها في حفلة التخرج.

وخلال مداخلة هاتفية مع الإعلامية عزة مصطفى ببرنامج «صالة التحرير»، والمذاع على قناة صدى البلد، قالت “عنتر” إن فيديو رقصة التخرج ليس عارًا أو عبء عليها، ولكن تعليقات رواد مواقع التواصل الاجتماعي سبب صدمة وانهيار لها لأنها لم تخرج عن المألوف.

وتابعت: “أنا خصيمة أي حد تكلم عني أو تكلم في شرفي، أنا طالعة أتكلم النهاردة علشان خاطر أهلي، يوم التخرج ده المفروض يوم ذكرى جميلة، بسبب كلام مستخدمي السوشيال ميديا تحول لذكرى مش كويسة”.

وأكملت: «هو كل اللي تصدر التريند بقي بطل أو مشهور، أنا الموقف ده مش خرجت فيه عن النص أو تجاوزت، لبسي محترم ومش في خروج عن النص، أنا مش وحدة وحشة أنا بطل تايكوندو، ومدربة كمان».

وانهارت “عنتر” بالبكاء أثناء حديثها مع الإعلامية عزة مصطفى، لترد الأخيرة عليها قائلة: «من حقك تفرحي وتعيش اللحظات الحلوة دي، أنا مش عايزكي تعيطي ولا تبكي أنا بحضنك وببوسك، ربنا ياخد كل شخص بيشهر بأي حد، أو يأذي أي شخص أو يكون سبب في أذيته، ربنا ينتقم منه، حقك على رأسي يا سمر».