موت أمه وأخواته وسابهم للكلاب تاكل لحمهم وراح المسجد يصلى| بث مباشر

كشفت أهالي عزبة رستم الصغرى التابعة لقرية الشين، بدائرة مركز قطور بمحافظة الغربية، تفاصيل لقائهم الأخير بالشاب الذى أنهى حياة والدته وشقيقته وشقيقه وأشعل النيران فيهم وتقطيع جثامينهم لقطع. 

أهالي القرية يرون التفاصيل 

وقالت إحدى أهالي عزبة رستم: شمينا ريحة حريق يوم الجمعة الصبح ودخان طالع من البيت عنده كانت الريحة غريبة، ولما سألناه فيه إيه قالنا دة عندي شوية بالة بولع فيها.

وأضافت: الدخان كان طالع من حظيرة المواشي اللي برا بيته وكان الدخان لونه غامغ وريحته غريبة زي ما تكون حاجة بتسيح وريحة شعر بيتحرق.. وقعد مع الجثث 3 أيام في البيت وخرج يصلي في المسجد وراح قعد مع بنت عمه.

وأكد أهالي القرية، أن المتهم لم تكن تظهر عليه إي أعراض غريبة، وأنه كان يتصرف بشكل طبيعي مع الجميع، حيث قالت إحدى الجيران: كان كويس ولو عدى قدامنا في الدقيقة 3 مرات في كل مرة يرمي علينا السلام ومحدش يعرف هو ليه عمل كدة.

وأنهارت إحدى جيران الضحايا: كان بيضحي بيهم أضحية العيد موتهم وقطعهم وسابهم للكلاب ياكلوا لحمهم وباقي الجثث حطهم في الفريزر.. بعد ما ولع فيهم راح صلي الجمعة في المسجد وأمبارح كان رايح المسجد يصلي العصر وكنت بشوفه كل يوم رايح جاي على المسجد.

وأوضحت إحدى جيران المجني عليهم، أن الحريق كان السبب في أفشاء سر المتهم على الرغم من محاولته إخفاء الحقيقة، قائلة: الناس شكت فيه من الحريقة أستنوه لما خرج من البيت وكسروا الباب دخلوا لقوا عضم مرمي على الأرض وبقايا الجثث ودم في كل مكان.. كان مموتهم وبيمارس حياته عادي.. جاله قلب أزاي يعمل كدة في أمه اللي ولدته وجابته للدنيا.